தக்காளியின் பயன்கள் |tomato benefits in tamil

தக்காளி என்பது ஒரு பூக்கும் தாவரம். இது நைட்ஷேட் குடும்பத்தில் சேரும். தக்காளியின் விஞ்ஞானப் பெயர் Solanum lycopersicum.

தக்காளி என்பது உணவிற்காக பராமரிக்கப்படும் ஒரு காய்கறி. இது உணவில் முக்கிய பங்கு வகிக்கிறது. இதில் வைட்டமின் சி (Vitamin C) மற்றும் லைகோபீன் (Lycopene) என்ற பயனுள்ள ரசாயனம் இருக்கிறது. லைகோபீன் என்பது ஒரு பைட்டோகெமிக்கல் (பூச்சிகளுக்கும் நோய்களுக்கும் எதிராக தாவரங்களில் இயற்கையாக உருவாகும் பாதுகாப்பு சேர்க்கை).

தக்காளியைப்

பல விதமாக நாம்ப் பயன்படுத்துகிறோம்

பச்சையாக சாப்பிடலாம், சமைத்து சாப்பிடலாம், வேகவைத்த காய்கறிகளாக.பல்வேறு தயாரிப்பு உணவுகளில் மூலப்பொருளாக (அதாவது முக்கியமாக) சேர்க்கப்படுகிறது.ஊறுகாயாகவும் பயன்படுத்தப்படுகின்றது.

மிக முக்கியமாக, உலகம் முழுவதும் உற்பத்தியாகும் தக்காளியில் பெரும்பாலான பகுதி பதப்படுத்தலுக்காக பயன்படுத்தப்படுகிறது. அதாவது, இவை பல தயாரிப்புகளாக மாற்றப்படுகின்றன:

தக்காளி சாறு,கெட்சப்,கூழ் (puree),பேஸ்ட் (paste),வெயிலில்உலர்த்தப்பட்ட தக்காளி,நீரிழப்புச் செய்த கூழ் இவை அனைத்தும் உணவுப் பொருட்களில் வணிக ரீதியாக உற்பத்தி செய்யப்படுகின்றன.

 இதய ஆரோக்கியம்

மாரடைப்பு மற்றும் பக்கவாதம் போன்ற இதய நோய்கள், உலகில் மிகவும் பரவலாக உள்ள மரண காரணிகளில் ஒன்றாக உள்ளன.

நடுத்தர வயது ஆண்கள் மீது செய்யப்பட்ட ஒரு ஆய்வில், இரத்தத்தில் லைகோபீன் மற்றும் பீட்டா கரோட்டின் என்ற ஊட்டச்சத்துக்கள் குறைவாக இருந்தால், மாரடைப்பு மற்றும் பக்கவாதம் ஏற்படும் அபாயம் அதிகம் என்பது தெரிய வந்துள்ளது.

மேலும், மருத்துவ ஆய்வுகள் கூறுவதாவது, லைகோபீன் அதிகமாக உட்கொண்டால், உடலில் உள்ள LDL குறையக்கூடும்.

தக்காளியை அடிப்படையாகக் கொண்ட உணவுகள், வீக்கம் மற்றும் ஆக்ஸிஜனேற்ற அழுத்தத்தை குறைக்கும் தன்மையைக் கொண்டுள்ளன.

இவை இரத்த நாளங்களின் உள் மேற்பரப்பை பாதுகாக்கும். அதாவது, இரத்தம் சுலபமாக பாய உதவுகிறது மற்றும் இரத்தம் உறையும் அபாயம் குறைகிறது.

 புற்றுநோய் தடுப்பு

புற்றுநோய் என்பது, சாதாரணமான செல்கள் கட்டுப்பாடின்றி வளர்ந்து, உடலில் வேறு பகுதிகளை தாக்கும் ஒரு ஆபத்தான நோய்.

தக்காளி மற்றும் அதன் தயாரிப்புகளை சாப்பிடும் மக்களுக்கு, புரோஸ்டேட் (prostate), நுரையீரல் மற்றும் வயிற்றுப் புற்றுநோய்கள் ஏற்படும் அவகாசம் குறைவாக இருப்பதாக ஆய்வுகள் சொல்கின்றன.

இதில் முக்கியக் காரணியாக லைகோபீன் இருக்கலாம் என்று நம்பப்படுகிறது. ஆனால், இதை உறுதியாக நிரூபிக்க மேலும் உயர் தரமான மனித ஆய்வுகள் தேவை.

மேலும், பெண்கள் மீது நடத்தப்பட்ட ஆய்வுகளில், தக்காளியில் உள்ள கரோட்டினாய்டுகள் (Carotenoids) மார்பக புற்றுநோயிலிருந்து பாதுகாப்பு வழங்கக்கூடும் என்று தெரியவந்துள்ளது.

தக்காளி சாப்பிடும் ஆண்களுக்கு, குறிப்பாக சமைத்த தக்காளி சாப்பிடுவோருக்கு, புரோஸ்டேட் புற்றுநோய் (Prostate Cancer) ஏற்படும் அபாயம் குறைவாக இருக்கிறது என ஆய்வுகள் தெரிவிக்கின்றன.

தக்காளியில் உள்ள பீட்டா கரோட்டின் மற்றும் லைகோபீன் ஆகியவை ஆண்டிஆக்ஸிடன்ட்கள் (ஆக்ஸிஜனேற்றிகளை எதிர்த்து செயல்படும்).
இவை, செல் சேதத்தை தடுக்கும் மற்றும் புற்றுநோய் செல்கள் உருவாகாமல் தடுக்கும் தன்மை கொண்டவை.

 தோல் ஆரோக்கியம்

தோலுக்கு தக்காளி மிகவும் நன்மை பயக்கக்கூடியது என கருதப்படுகிறது.தக்காளி மற்றும் அதில் உள்ள லைகோபீன் போன்ற தாவரச் சேர்க்கைகள், வெயிலின் தீமைகளை குறைக்க உதவுகின்றன.
ஒரு ஆய்வில், 10 வாரங்கள் தொடர்ந்து தினமும் 40 கிராம் தக்காளி பேஸ்ட் தக்காளி கலவையை ஆலிவ் எண்ணெயுடன் சேர்த்து உட்கொண்டவர்கள், வெயிலால் ஏற்படும் தோல் எரிச்சல் 40% குறைந்தது என்பதும் கண்டறியப்பட்டுள்ளது.

மலச்சிக்கலைத் தடுக்க உதவுதல்

உணவில் நார்ச்சத்து (fiber) குறைவாக இருந்தால் மலச்சிக்கல் ஏற்படலாம்.
தக்காளி, கரையக்கூடிய மற்றும் கரையாத நார்ச்சத்தின் நல்ல ஆதாரம்.கரையக்கூடிய நார்ச்சத்து செரிமானத்தில் ஒரு ஜெல் மாதிரி அமைப்பை உருவாக்குகிறது.கரையாத நார்ச்சத்து மலத்திற்கு அதிக பருமனை கொடுக்கிறது.இவை இரண்டும் சேர்ந்து, மலச்சிக்கல் இல்லாமல் எளிதாக வெளியேறும் மலத்தை உருவாக்க உதவுகின்றன.
தக்காளியில் உள்ள செல்லுலோஸ், ஹெமிசெல்லுலோஸ், பெக்டின் போன்ற நார்ச்சத்துக்கள், பெரிய குடலின் ஆரோக்கிய செரிமானத்திற்கு உதவுகின்றன.

வகை 2 நீரிழிவு அபாயத்தை குறைத்தல்

தக்காளியில் அதிகப்படியான  லைகோபீன் உள்ளது இது செல்களை சேதத்திலிருந்து பாதுகாக்கிறது.வீக்கத்தை குறைக்கிறது.இதனால், வகை 2 நீரிழிவு ஏற்படும் அபாயத்தை  குறைக்குறது.

 மூளை ஆரோக்கியத்தை ஆதரித்தல்

65 வயதுக்கு மேற்பட்ட 6 மில்லியனுக்கும் அதிகமான அமெரிக்க மக்கள் அல்சைமர் நோயால் பாதிக்கப்படுகின்றனர்.இது நினைவு, சிந்தனை மற்றும் நடத்தை மீது தாக்கம் ஏற்படுத்தும்.இந்நோயுக்கு நிலையான சிகிச்சை இல்லை.

தக்காளியில் உள்ள லைகோபீன் போன்ற ஆக்ஸிஜனேற்றிகள், அல்சைமர் நோயிலிருந்து பாதுகாப்பு அளிக்கக்கூடும் என கூறப்படுகிறது.ஒரு ஆய்வில், 70 வயதுக்கு மேற்பட்டவர்கள் லைகோபீனை அதிகமாக எடுத்துக் கொண்டால், அறிவாற்றல் குறையும் வீதம் மெதுவாக இருக்கிறது என கண்டுபிடிக்கப்பட்டது.

 கண் ஆரோக்கியம் மேம்படும் 

தக்காளி கண் ஆரோக்கியத்தை மேம்படுத்தக்கூடிய முக்கியமான உணவுப் பொருளாக கருதப்படுகிறது. இதில் வைட்டமின் A, பீட்டா கரோட்டின், லூட்டீன் மற்றும் ஜீயாக்சாந்தின் போன்ற பல ஊட்டச்சத்துகள் உள்ளன. தக்காளியில் உள்ள பீட்டா கரோட்டின் என்பது ஒரு கரோட்டினாய்டு வகையைச் சேர்ந்த இயற்கை நிறமிப்பாகும், இது தக்காளிக்கு சிவப்பு நிறத்தை வழங்குவதோடு, உடலுக்குள் வைட்டமின் A ஆக மாற்றப்படுகிறது.

 வைட்டமின் A கண்களின் பார்வை சக்தியை மேம்படுத்தும் சக்திவாய்ந்த ஆக்ஸிஜனேற்றியாக செயல்படுகிறது. இது கண்புரை, வயது சார்ந்த மாகுலர் சிதைவு (AMD) மற்றும் பிற பார்வை குறைபாடுகளிலிருந்து கண்களை பாதுகாக்க உதவுகிறது.

மேலும், பீட்டா கரோட்டின் தனியாகவே ஒரு ஆக்ஸிஜனேற்றியாக செயல்பட்டு, செல் சேதங்களைத் தடுக்கிறது. தக்காளியில் உள்ள லூட்டீன் மற்றும் ஜீயாக்சாந்தின் ஆகியவை பார்வைக்கு மிக முக்கியமான கரோட்டினாய்டுகள். இவை விழித்திரையின் மையப் பகுதியான மேக்குலாவில் (Macula) குவிந்து, சுற்றுச்சூழல் காரணிகளால் ஏற்படும் சேதத்திலிருந்து கண்களை பாதுகாக்கின்றன. 

உயர் இரத்த அழுத்ததை  குறைக்கும் 

தக்காளியை தவறாமல் அடிக்கடி உணவில் சேர்த்துக் கொள்வது, உயர் இரத்த அழுத்தத்தை (High Blood Pressure) குறைக்க உதவக்கூடியதாக பல ஆய்வுகள் காட்டுகின்றன. தக்காளியில் நிறைந்துள்ள பொட்டாசியம் இந்த நன்மைக்கு முக்கிய காரணியாகக் கருதப்படுகிறது. அதாவது இது இரத்த நாளங்கள் மற்றும் தமனிகளின் சுருக்கத்தை தளர்த்தும் பணியைச் செய்கிறது. இதன் மூலம் இரத்த ஓட்டம் சீராகவும் திறந்தவையாகவும் நடைபெறுகிறது. இதனால், இரத்த அழுத்தம் இயல்பான நிலையில் இருக்கும், மேலும் இதயத்தின் மீதான வேலைப்பாடு மற்றும் அழுத்தம் குறைக்கப்படுகிறது. இவ்வாறு, தக்காளியை உணவில் அடிக்கடி சேர்ப்பதன் மூலம், உயர் இரத்த அழுத்தம் போன்ற இதய சம்பந்தப்பட்ட பிரச்சனைகளைத் தடுப்பதற்கும், இதய ஆரோக்கியத்தை மேம்படுத்துவதற்கும் வழிவகுக்கும்.

தக்காளி பித்தப்பை கற்கள் தடுக்கும்

தக்காளி, வைட்டமின் C-யின் சிறந்த இயற்கை மூலமாகத் திகழ்கிறது. இது பித்தப்பையில் கற்கள் உருவாகும் அபாயத்தை குறைக்கும் திறன் கொண்டது. பல ஆய்வுகள், தக்காளியின் ஆக்ஸிஜனேற்ற (antioxidant) தன்மை நீண்டகால நோய்களை எதிர்கொள்வதில் உதவுவதாகவும், உடலில் உள்ள நச்சுப்பொருட்களை வெளியேற்றுவதற்கும் பயன்படுவதாகவும் காட்டியுள்ளன.

 தக்காளியை சமைத்த பதப்படுத்தலான கெட்ச்அப், ப்யூரி, சாறு போன்ற உணவுகளிலிருந்தும் இதே ஆக்ஸிஜனேற்ற நன்மைகளைப் பெற முடியும். தக்காளியை தினசரி உணவில் சேர்ப்பதன் மூலம், உடலுக்கு தேவையான வைட்டமின்கள் மற்றும் தாதுக்களை பூர்த்தி செய்துகொள்ளலாம். இது உடலுக்கு ஒரு முழுமையான பாதுகாப்பு விளைவை ஏற்படுத்துகிறது, மேலும் பித்தப்பை நோய்கள் மற்றும் தொடர்புடைய சிக்கல்களிலிருந்து விடுபட உதவலாம்.

எச்சரிக்கை: தக்காளி பெரும்பாலான நபர்களுக்கு எந்தவிதமான பக்கவிளைவுகளையும் ஏற்படுத்தாது. இருப்பினும், சிலருக்கு மகரந்த ஒவ்வாமை இருப்பின், தக்காளியில் காணப்படும் அதே வகை புரதங்கள் காரணமாக அரிப்பு, வீக்கம், தொண்டை குமட்டல் போன்ற ஒவ்வாமை எதிர்வினைகள் ஏற்பட வாய்ப்பிருக்கிறது. எனவே, மகரந்த ஒவ்வாமை உள்ளவர்கள் தக்காளியை சாப்பிடும் போது கவனமாக இருக்க வேண்டியது அவசியம்.

கதிர்வேசிலிருந்து பாதுகாத்து  முகப்பொலிவை தரும் 

தக்காளி பழம் என்பது உணவு பொருளாக மட்டும் பயன்படுத்தப்படும் ஒரு பொருள் அல்ல அதை அழகு சாதன பொருட்களாகவும் பயன்படுத்தலாம் சூரிய கதிர்வீச்சிலிருந்து பாதுகாக்க தக்காளி மிகவும்  உதவுகிறது.

தக்காளியில் உள்ள லைக்கோபின்  சருமத்தை புற ஊதா கதிர்வீச்சு சேதத்திலிருந்து பாதுகாக்கிறது இதனால் முகம் அழகாகவும் பளபளப்பாகவும் தோன்றும்.

அழகு குறிப்பு: நாம் வெளியில் சென்று வரும்பொழுது நம்முடைய தோல்கள் சற்று நிறம் மாறும் இதனை டான் என்று சொல்வார்கள் இவ்வாறு தானான சருமத்தை சரி செய்யத் தக்காளியை நன்றாக அரைத்து அதில் சிறிதளவு மஞ்சள் சிறிதளவு கடலை மாவு சேர்த்து முகத்தில் நன்றாகத் தடவி 15 நிமிடங்களுக்குப் பின் முகம் கழுவி வந்தால் முகம் டானிலிருந்து விடுபட்டு அழகாகவும் பளபளப்பாகவும் தோன்றும் இதனை என்னை ஆண் பெண் என இரு பாலரும் பயன்படுத்தலாம் ஆண்கள் பயன்படுத்தும்பொழுது தக்காளியுடன் கடலைமாவு மட்டும் சேர்த்துக் கொள்ளவும் மஞ்சளை தவிர்க்கவும்.